Гунигламаар....

Заримдаа зүгээр л гунигламаар. Зөрж өнгөрөх сайхан бүсгүйн араас эргэж харж, зөвхөн түүнтэй жаргаж чадаагүйдээ харамсан санаа алдмаар, зүггүйтэх сэхүүн бодолдоо намайг тоогоогүй түүнийг эргэж хартал санаа алдмаар, бүүр түүрхэн бодолдоо тэртээ холын дурсамжаа сэргээн сэтгэлдээ жаргамаар. Гэгэлзээд байгаа сэтгэлээ намрын дурсамжаар даруулмаар, дэнслээд байгаа бодлоо гэгээн сайхан мөрөөдлөөр тэнцүүлмээр, догдлоод байгаа зүрхээ далдхан хайрын дурсамжаар аргадмаар. Юу ч болоогүй хэрнээ гунигламаар байгаа сэтгэл минь, магад тайвшралыг хүсээ л биз.

Эзэндээ очихгүй захидал

Сайн уу байна уу?
Сарнин бүдгэрэх дурсамж минь
Сэтгэлд орших бүсгүй минь

Зүүд чи над дээр ирээч

Дуг нойрон дунд утас хангинан дуугарна. Би нойрмог байсан тул арай гэж утсаа аван хэн залгаж байгааг хартал...Үгүй байлгүйдээ. Надруу хэзээ ч залгахгүй байх гэж бодож байсан тэр хүн байлаа. Тиймээ би ч бас итгэж чадахгүй байсан. Юу мэдрэгдсэн гэж санана. Догдлол гомдол баяр баясал уйтгар гуниг зовинол мэдэрч болох бүхий л мэдрэмжийг зэрэг мэдэрч үүнийг зүрх дааж ядан байх шиг хавирга цээжийг минь цөмлөх гэж байгаа аятай цохилно. Тиймээ авах гэсэн товчийг дарахад надад эргэлзэх болоод эмээх бодол байсангүй. Яагаад гэж үү? Би удаан хүлээсэн дуудлага шүү дээ.

Жигүүртэн

Гэнэтхэн юу ч юм бүү мэд тод цагаан гялбаа, зурсан зураас аятай аажмаар тодорсоор өмнө нь хэзээ ч үзэж байгаагүй тэр ертөнц. Тиймээ би анх удаа нүдээ нээж байлаа. Юу гээч гайхалтай мэдрэмж вэ, бас дулаахан энерги үзэсгэлэнт орчлон. Өмнө минь өнгө өнгийн бүрдэл, төгс төгөлдөрийн дээд өдөө гайхуулах тэр нэгэн. Цээж рүү минь цог үсрэн орохыг би мэдэрсэн.

Хайрын захидал #1

Агаараар нисгэсэн шуудан хэдийд очихыг мэдэхгүй
Андаар илгээсэн дугтуй хэзээ ч юм хүрэх нь лавтай.
Ингэж зурхэндээ шивнэн цаас бал аваад
Итгэл хайраа шингээж захиа бичихээр суулаа.

Янаг сэтгэл гэгчийн халууныг хэн хэмжлээ.
Яагаад ганцхан чамайгаа хайрласныг хэн мэдлээ.
Яах гэж хорвоод төрүүлснээ ээж аав минь мэднэ ээ.
Яаран яаран амьдрахаа Ээгий би мэдэрнэ ээ.

Хүлээс

Нэг газраа хөдлөлгүй зогсоно. Юунд гэдгээ мэдэхгүй ч хоргодсоор л. Нар зөвхөн надаас бусдыг ээж сар зөвхөн намайг л тоож байх шиг. Уйтгартай гэхэд дэндүү уйтгартай. Бие минь чөлөөтэй мэт боловч сэтгэлээс минь нэг зүйл уяатай. Би өөрөө хаа ч дүүлэн нисэж гүйн харайж явж байгаа ч зүрх нэг газар үлдсэн бололтой.

Хундага дарсны хүч

Даруухан тэр нэгэн

Дарс балгаж байгаа харагдана

Нийлж бүгд муулах гээд яахав

Эрүүл ухаан нь хүрэхээ больж
Элэгээ эмтэлж яваа юм билүү хэн мэдлээ

Гашуун дарсанд дурлах шалтгаан нь
Гарцаагүй болоод л хүртэж яваа биз

Муулах гээд яараад яахав

Магтах гээд ч яахав

Зовлонг нь нимгэлж чадаж л байвал

Зоргоороо түүнийгээ хүртэг

Алдаж харин амьдралаа залгихаас нь өмнө

Анхааруулж болиулахад л болно

1-р БНМ: Мэдрэмж, ертөнц, хаалга

Хүнд мэдрэгддэг мэдрэмжүүдээс хамгийн гайхалтай бас зовлонтой нь ХАЙР. Үүнтэй хэн ч маргахгүй маргаад барахгүй гэдэгтээ санал нийлэх биз. Яг тэр хүний юу нь ингэтлээ татаж байгаа нь ялангуяа бодох тусам зүрхэнд хүчтэй мэдрэгдэх тэр мэдрэмж. Нэг дуун дээр гардаг ЧӨЛӨӨТ ЦАГААРАА ШАНАЛАХ ДУРТАЙ гэдэг шиг. Бодохгүй бол шаналахгүй л дээ гэхдээ хамгийн хэцүү нь бодохгүй байж хэзээ ч хэзээ ч хэзээ ч чадахгүй.

1-р БНМ: Зураач залуу

Бурхадын төгс бүтээл...Үгүй ээ би энэ үгийг эсэргүүцэгч. Учир нь төгс зүйлийг хүн өөрөө бий болгодог. Төгс зураг, төгс хүн, төгс уран бүтээл, төгс ертөнц. Би бол тэрслүү үзэлтэн, тэднийг үгүйсгэгч магадгүй тэднийг үзэн ядагч.

Амьдрал ба хоол

За амьдрал гээд байдаг аймар том их багшийг өөр өнцөгөөс харах гэж оролдлоо. Тэгээд үйл явц процессын хувьд хоол хийхтэй их төстэй санагдав. Эхлээд хүнээр заалгана эсвэл заавар харна өөрөө туршиж хийж үзнэ. Орцоо бэлдэнэ, амтаа тааруулна, галаа зөв тохируулна гээд л. За тэгээд ер нь юутай ч зүйрлэж болно. Энэ удаа хоол хийхтэй хэрхэн зүйрлэсэнийг сонирхоод нэг үзээрэй.

1-р БНМ: Шүтээн болсон СҮҮДРИЙН бүсгүй

Шөнө болгон зүүдэнд минь зөөлөн долгиолох усны урсгал мэт орж ирэн зүрхэнд зүүгээр хатгах мэт зовлонтой бас жаргалтайгаар мэдрэгдэх тэр нэгэн бүсгүй. Чамайг санасан сэтгэлээ хэлэхгүй байх нь намайг дотроос минь шатаах мэт болж чамд хэлэхийг хүсэвч чамайг зугтахаас эмээн өөртөө хадгалж яг л хэлгүй мэт таг дуугүй тас дүлий явсаар л. Хажуугаар өнгөрөх бүрийд ядаж үнэрийг чинь мэдрэхийн тулд бүхий л мэдрэмжээ устгаж ангаа хүлээж буй арслан барс шиг хамранд бүх л мэдрэмжээ төвлөрүүлдэг. Чухам тэр л үед энэ хорвоод яах гэж төрсөнөө мэдрэх шиг болж мянган цэцэгсийн хүлэмжээс илүүтэйгээр содон үнэртэх чиний үнэрэнд мансууран согтох шиг болж шунал сэтгэлээ барьж дийлэлгүй улам ихээр үнэрлэхийг хүсэх юм.

Ганц л боломж

Дуулах дуунаас чинь илүү
Дуудах хоолой чинь сайхан
Галзуурталаа дурласны миний
Гараас атгах төдийд
Итгэл найдвар минь хэд дахин нэмэгдэж
Инээд алдан гүйж явдаг

1-р БНМ: Тиймээ би сүүдэрт дурлажээ 3

Тиймээ тэр бүсгүйг би азтай тохиолдлоор хайж олсон. Гэхдээ би бас шударга бус ярьчихлаа. Хүн амьдралынхаа өдрүүдээ утга учиргүй үрэхийг зөвшөөрдөггүй. Зөн билиг өөрөө энэ хэрэгт хутгалдсан. Сонсооч, үнэхээр бүх юм тун хачин байсан шүү. Хэд хоногийн өмнө би хээрийн салхийг биедээ шингээж бие болоод сэтгэлийн амар амгаланг олохоор явж байлаа. Гэтэл хувь тавилан үнэхээр намайг дуудсан гэлтэй.

1-р БНМ: Тиймээ би сүүдэрт дурлажээ 2

Тэр бүсгүй намайг анзаарсан бололтой нүүрэн дэх гунигаа бүрэн далдалж харцаа буруулан царайгаа нуув. Би түүнийг дахиж хараагүй байхаа. Тэнгэр тэр чигээрээ бүрхэх шиг бүсгүй амьд хүн биш юм шиг, намайг дуу ч гаргаж чадахгүй алхаж явахад дэргэдүүр хөвхөа өвсөн дундаас гарч ирсэн сүүдэр шиг надад санагдсан.

1-р БНМ: Тиймээ би сүүдэрт дурлажээ

Хүсэл сонирхолдоо хөтлөгдөн юуг ч юм хайж явлаа. Өнөө зүйлээ хайж яваад түүнийг анх олж харсан. Түүнийг царайг юу ч гэмээр юм нэгэн зүйлээр халхлагдсан байв. Гэвч түүнийг энэ хорвоогийн өөр хаана ч байхгүй үүрийн туяа хөшигний завсраар тусах мэт нүд гялбам хурц инээмсэглэлээр нуусан мэт. Цагаан өмсгөл нь миний харааг татахад тэр бүсгүйг яг л сүмийн шүтээн мэт байгаа газраа гэрэл цацруулан зогссон байсан.

Санаагаа тэмдэглэж авах энгийн арга

Бид заримдаа хийх гэж төлөвлөж байсан зүйлсээ бодох зуур гэнэтийн гэмээр гайхалтай төлөвлөгөө, ажлын санаа урсан орж ирдэг. Автобус, цайны цагаар, унтахын өмнө гэх мэтчилэн хаана ч хэзээ ч гайхалтай санаанууд толгойд харван орж ирдэг. Харамсалтай нь бид түүнийг тэмдэглэж аваагүйгээсээ болоод мартах нь элбэг. Тиймээс таны тэр гайхалтай санааг хэрхэн хадгалж авч үлдэх талаар бяцхан зөвөлгөө өгье.

Нөхцөл байдлыг хүлээн зөвшөөрөөд сурчих хэрэгтэй.

За юу гэж эхэлмээр юм бэ дээ. Хүн амьдралдаа маш олон зүйлийг хийхийг хүсэж мөрөөддөг. Зарим нэг хүний мөрөөдөл биелэхэд нөгөө талд хэн нэгэн нь хохирогч болох тохиолдол байдаг. Оргилд хүрэх мөчид гэнэт л хаанаас гэмээр олон хүмүүс гарч ирнэ. Чамайг өгсөх замд чинь доороос чинь чангааж зулгааж зарим нь бүр чамайг хэзээ ч тэнд хүрч чадахгүй боль гэж хэлж байсан хүмүүс ч гэнэт л чиний найзууд болчихсон би чамайг чадна гэдгийг мэдэж байсан хэмээн ярьж эхэлнэ яг л аадрын дараах мөөг шиг. Гэхдээ хамгийн хөгжилтэй үйл явдал чамайг эргээд унах үед л болно доо. Ёстой л нээрээ чамд 2 үнэн байна хорвоогийн тоосыг хөдөлгөж байгаа чинь 1 үнэн чи дээрээс унасан чинь үнэн гээд л хажууд байсан хүмүүсээс яг л уут будаа цацаад атгаад үлдэж байгаа юм шиг л шигшигдсэн хэдэн найз, гэр бүлээс чинь өөр хэн ч үлдэхгүй.

Нэгэн шөнийн бодол

Хөлчүүхэн замын дунд
Хүрэл дугуйт тэрэгтэйгээ
Хүний биш
Зовлонгийн замаар явсаар
Хүрэлцээ муутай миний энэ тэрэг
Хүн багтаах ч зай алга
Ганцаар чи яв гэсэн шиг
Ганцаардлыг надад мэдрүүлэх гэсэн шиг